مشاركتي في دويتو مع شذى حسون شائعة.. وكنت عارف أن أغنية بين الحيطان هتطلع تريند

تحدثت المطرب رامي صبري عن أغنيات ألبومه الغنائي الجديد النهايات أخلاق، وذلك خلال لقاء له ببرنامج et بالعربي.

رامي صبري:  كنت عارف أن بين الحيطان هتطلع تريند

وقال رامي صبري في تصريحاته التي رصدها موقع تحيا مصر: أنا كنت عارف أن بين الحيطان هتطلع تريند كويس وتطلع رقم 1 وكنت حاسس أنها ممكن تعمل حاجة، دراما مختلفة عن الدرامات العادية، كلامها ولحنها وتوزيعها تحس أنه راب مش في المزيكا بتعاتنا شوية ودا ادالها طعم مختلف عشان كدا الناس سمعتها وبدأت تحبها.

وعن تصوير كليبات الألبوم في لبنان قال رامي صبري: كل المخرجين صحابي في لبنان، واللوكيشنز حلوة ومختلفة والموديل هناك حلوة والبنات شكلها حلو، والموضوع مترتب وأنا بحب لبنان.

رامي صبري: النهايات أخلاق أغنية عظيمة

وعن أغنية النهايات أخلاق قال رامي صبري: النهايات أخلاق أغنية عظيمة وأنا بحبها أوي ونفس اتجاه أغنية حياتي مش تمام ويمكن خير، أنا ماسك الموضوع دا بقالي شوية قاعد بدور عليه وبطور فيه والحمدلله بينجح مع الناس.

وبسؤاله عن حقيقة تعاونه مع المطربة شذى حسون في دويتو غنائي قال رامي صبري: لا محصلش، أتمنى طبعا شذى جميلة ومطربة عظيمة بس مفيش دويتو لا، وأصالة عملت معاها أحلى دويتو في الدنيا والدويتو لازم يكون واحد بس لأي فنان ومش هعرف اقول ايه الدويتو الجديد لأنه تحت الإنشاء وأول ما هتخلص هقول.

أخر أعمال رامي صبري

ومن الجدير بالذكر أن أخر أعمال رامي صبري أغنية بين الحيطان التي تم طرحها عبر قناته الرسمية على موقع الفيديوهات العالمي يوتيوب، وكانت تقول كلماتها: وبعدين يا سنيني انا البعد آذيني فراقه طلع عيني اتهديت بشوف بعده مآسي لا نسيت ولا هكون ناسي موجود في قلبي وراسي حنيت بين الحيطان شايفه وشايف زمان ذكريات في المكان مابتتنسيش بعده الحياه صعبه وضايع وتاه قلبي اللي راح معاه ومارجعليش ده كان بيننا ليالي وايام سابهالي وعايش علي حالي وموجوع ده لو يرجه ثانيه ارتاح واعيش الدنيا بعديه مفيش عيشه تانيه وممنوع.