شكرا على قرائتكم خبر عمرو أديب وبودكاست BIG TIME
تحدث الإعلامي عمرو أديب خلال برنامجه الحكاية، الذي يذاع على قناة mbc مصر عن تفاصيل بودكاست BIG TIME والمقرر أن يستضيف به نخبة من نجوم الفن وذلك تحت إشراف المستشار تركي آل الشيخ رئيس هيئة الترفيه في المملكة العربية السعودية.
عمرو أديب: قررت أعمل شغل هادي في نهاية مسيرتي
وقال عمرو أديب خلال البرنامج في تصريحات رصدها موقع تحيا مصر: مكنتش اعرف يعني إي بودكاست دي الا أما جيت الرياض والحقيقة أن أما عرفت هو عامل ازاي قولت لازم أدخل فيه، وقررت اني ابعد عن شغل اليومي في السياسة والخناقات واعمل شغل هادي في نهاية مسيرتي انا راجل داخل على 60 ينوى ومحتاج هدوء وحاجة لذيذة.
وتابع عمرو أديب حديثه، قائلا: الانتقال من التليفزيون البودكاست كان بالنسبالي حاجة عاملة زي كأني بعمل رز في الحلة وفجأة ولأول مرة أعمل تورتة فراولة.
عمرو أديب: كنت بقعد شهرين عشان اطلع فنان معايا البرنامج
واستكمل عمرو أديب حديثه عن بودكاست BIG TIME: عشان أجيب فنان بقعد اشتغل عليه شهرين وعلى ما اظبط معاه التاريخ بياخد وقت كتير لكن بمساعدة تركي آل الشيخ وهيئة الترفيه بقى أي حد يجي الرياض عشان حفلة أو مسرحية نعمل معاه لقاء لحد ما بقى عدد كبير من الفنانين متواجدين في بودكاست Big time.
عمرو أديب: بودكاست BIG TIME هيتعرض في رمضان 2024
وعن موعد عرض بودكاست BIG TIME، أشار عمرو أديب إلى أنه سيتم عرضه في رمضان 2024، مشوقا الجمهور له: هنسمع حكايات لأول مرة عن الفنانين هيتكلموا فيه عن الجانب الإنساني مش عنه كفنان وحتى لو معلومة تعرفوها هتسمعوها بطريقة مختلفة تماما.
عمرو أديب: ملقتش أنسب من أصالة في برودكاست BIG TIME
واختتم عمرو أديب حديثه، قائلا: ملقتش أفضل من أصالة انها تكون معايا في بودكاست BIG TIME .. قاعد مع تاريخ الموسيقى العربية، بتتفاعل مع كل المطربين اللي نورونا في البودكاست بصوتها الرائع اللي مفيش انسب منه اقدر أستعين بيه، والحقيقي أصالة محظوظة بالزواج من فائق حسن وفي كل الحلقات اللي كنا بنسجل فيها بودكاست BIG TIME كان بيبقى موجود معاها وبيدعمها.
