حذف أغنية كدابة من يوتيوب

حذف موقع الفيديوهات الشهير يوتيوب أغنية كدابة والذي طرحها المطرب حسام حبيب منذ أيام على قناته الرسمية بموقع الفيديوهات الشهير يوتيوب وربطها الجمهور بأنه يقصد بها الفنانة شيرين عبد الوهاب خاصة أن طرحها جاء في ظل أزمة طلاقهما.

يوتيوب يحذف أغنية كدابة للمطرب حسام حبيب

وجاء حذف أغنية كدابة للمطرب حسام حبيب من موقع يوتيوب وفقا لما رصده موقع تحيا مصر بعد تشابه لحنها مع أغنية بياعة الذي طرحها زميله المطرب محمود عز، حيث خرج المنتج والموزع محمد شفيق واتهم صناع أغنية كدابة لـ حسام حبيب باقتباس لجن أغنية كدابة   من أخرى أنتجها لمحمود عز منذ شهر تقريبا.

رد ملحن أغنية كدابة عن اتهامه بالسرقة 

وخرج المحلن إسلام رفعت ورد على هذه الاتهامات قائلا: أنا مكنتش هرد.. بس مضطر أرد لأن اللي بيحصل ده قلة أدب وتطاول، لسه جايلي تليفون دلوقتي من صديق ليا بيقول أن في حد كاتب بوست أني واخد لحن أغنية حسام حبيب من أغنية لمغني أنا أعرفه معرفة شخصية واشتغلت معاه بالفعل وعلاقتي بيه أنه مغني، وأنا ملحن وموزع يعني واضح مين اللي بيسمع من التاني.

وتابع: أولًا مستحيل مستحيل مستحيل أنا اللي بقول أنه يكون توارد أفكار أو خواطر أو نغمات، أنا مسروق بالمللي وبالهارموني حتى، هو برافو عليه محاولة حلوة منه أنه ينط على بروباجندا حسام حبيب ويحاول نجيب سيرته ويمكن تصيب معاه، بس أنا هخليها تصيب معاه أنه يتشهر بأنه غير أمين ومعندوش ضمير نهائي، ومعايا كل ما يثبت أن اللحن بتاعي من مستندات وأني هتخذ كل الإجراءات القانونية مع أي حد جاب سيرتي أو اتكلم عليا بشكل مسيء وحاول ينط وعايز يتشهر، الأغنية دي الشاعر عمرو المصري بعتلي كلامها من شهر مايو ٢٠٢٣ اللي فات تقريبا وأنا لحنت الكلام وعملت شكل ليها وبعتناها لأكثر من مطرب من ضمنهم حسام وبالفعل كانت من نصيبه.

كلمات أغنية كدابة للمطرب حسام حبيب 

جدير بالذكر، أنه أتت كلمات اغنية كدابة على النحو الآتي: كدابة مليانة عيوب طبعك قلابة بتعيشي في دور إنك متسابة أستاذة في التمثيل واخدة شهادة وتوكيل.. بتخبي وشوشك وبتتداري في وش غلابة نساية ناكرة الأيام الحلوة معايا مش بنت أصول ولا فيكي مزايا.. شخصياتك أنواع هايلة في فن الأوجاع وخلصت أنا منك آه خرجتك من جوايا.