شكرا على قرائتكم خبر حاسس أني طيب وغلبان وبحب الظهور ودا مرض
فجر الفنان المصري أحمد سعد عدة تصريحات خلال حلوله ضيفًا على برنامج Abtalks الذي يقدمه الإعلامي أنس بوخش عبر قناته الرسمية بموقع الفيديوهات العالمي يوتيوب.
أحمد سعد مع أنس بوخش
وقال أحمد سعد في تصريحات يرصدها تحيا مصر: بقالي 3 سنين بنجح نجاح كبير عليا جدًا.. وكل سنة بيحصل ليا حاجة غريبة الناس بتقولي السنة دي سنتك فبخاف فـ بجتهد أكتر.
أحمد سعد في Abtalks
وتابع، النجاح بالنسبالي أن كل الناس في الحياة يلقوا عندك حاجة يحبوها ليك سواء بقى طريقتك أو خفة دمك، والناس بتسمع أغنية إيه اليوم الحلو ده في شوارع باريس والفقراء والأغنياء وبتعمل أجواء حلوة ليهم.
وأضاف: كنت عامل أغنيتين سألت نفسي كتير من أكتر الأغاني اللي بتعبر عني وأغنية أنا إنسان، وبحس إني ببان على شكل وأنا من جوا شكل تاني خالص والصراع بين الخير والشر هو ده أنا.
واستطرد، حاسس إني أنا طيب وغلبان ومبحبش أبان طيب وغلبان.. بس أنا كده مع نفسي بيصعب عليا نفسي والناس وفي علاقة روحانية بيني وبين نفسي.. وبحب أبين للناس إني الجامد والقوي وأصيع واحد في الكوكب، والبني آدم عايز يوري حاجة عكس اللي جواه وفطرتي فيها حاجات تتداس.
بدايات أحمد سعد وطفولته
واختتم أحمد سعد حديثه قائلًا: ابتديت أحفظ قرآن وابتهالات دينية في طفولتي وبعدين دخلت في أم كلثوم وعبد الوهاب، وكنت دايما في العيلة بحب أظهر عشان كنا 9 وحب الظهور ده نوع من أنواع الأمراض كنت بحارب طول الأسبوع عشان أبان قدامهم.
وتعاون النجم أحمد سعد مع الفنانة وروبى في فيديو كليب أغنية يا ليالى عبر موقع الفيديوهات الشهير يوتيوب، والمنصات الرقمية ومحطات الراديو، وتقول كلمات الأغنية:
كلمات أغنية يا ليالي
يا حبيبي
خلصت معاك ألاعيبي
انت جميل و انا عيبي عيبي
بضعف قصاد الجمال الجمال
يا جماله
قلبي الصغنن ماله
شقلبت طبعه و حاله وماله
متساق وراك رحال
يا ليالي
اعذري استعجالي
ع القمر و ندالي
غنالي
غنوة حبيبي و رقصت معاه
يا ليالي
الحلو فوق في العالي
و ندالي
والدنيا فرفشهالي
غنالي
غنوة حبيبي و رقصت معاه
علي بابك
واقف قتيل علي بابك
انا تحت امر جنابك مالك
فالدلع استاذ استاذ
علي بالي
اسمك ده بالنسبالي عالي
و حفظته صم خلاص و خلاص
يا ليالي
اعذري استعجالي
ده الغالي
ع القمر و ندالي
غنالي
غنوة حبيبي و رقصت معاه
