أقسم بالله عمري ما اشتغلت عشان الفلوس.. وولادي قاطعوني أسبوع بسبب عمل فني

حل الفنان بيومي فؤاد مساء أمس الثلاثاء الموافق 27 فبراير، ضيف على برنامج صاحبة السعادة الذي تقدمه الإعلامية والفنانة القديرة إسعاد يونس.

بيومي فؤاد مع إسعاد يونس 

وقال بيومي فؤاد في تصريحات يرصدها تحيا مصر: مراتي قالت لي في 2008 أن سنة الشهرة بالنسبة لك في 2013، وهي مبتقرأش فنجان ولا حاجة، لكن بينها وبين ربنا عمار.. في  2013 عملت 3 أدور مختلفين والناس بدأت تعرف بيومي فؤاد.

أزمة بيومي فؤاد الصحية 

وتابع، بدأت أخس لما لقيت عندي قناة في ضهر بتقفل الدم بتجيب ليّ تنميل ومشكلة في الأعصاب، قررت السفر لألمانيا علشان أشوف موضوع رجليّ ولكن معرفتش بسبب كثرة الأعمال.. ودلوقتي بعمل رجيم ودايت مع دكتور… الدكتور قالي عايزك تنزل 3 كيلوا في اليوم.. وما ينفعش أنزل نزول مفاجئ عشان الكلى والقلب.

وأضاف، أقسم بالله عمري ما اشتغلت عشان الفلوس وولادي قاطعوني أسبوع بسبب عمل فني.. كنت أشتكي للزعيم عادل إمام،  إني بشتغل كتير وإني مش حابب ده.. قال لي خلي لأ بقوة آه، ولما ترفض عمل خليه بنفس قوة نعم.

تصريحات بيومي فؤاد في صاحبة السعادة

واستطرد، أنا طالع لأبويا وبحب الشغل حتى في صلاتي بقول ربنا يكفينا قعدة البيت الوحشة وكم من فنانين وناس كتير لما يحالوا على المعاش بينقلب حالهم وبيجيلهم اكتئاب خاصة أصحاب الأثر والبصمة، وأنا من قبل الشهرة كنت موظف حكومة وبعمل مسرحيات كتير وممكن 3 مسرحيات في وقت واحد وكنت راضي ومكتف بذلك ومكنش في دماغي الشهرة.

واستكمل، كنت حريف كورة، وكنا بنلعب في مدرسة وأحيانا قدام سفارة أستراليا وكانوا بيمشونا وساعات الشرطة كانت تجري ورانا.

هذا وقال بيومي فؤاد خلال لقاءه مع برنامج et بالعربي عن حالته الصحية: الحمد لله كويس، الحمد لله رب العالمين خرجت من المستشفى.. كانت وعكة صحية بسيطة كنت مسافر ورجعت تعبان، ودي كانت جلسة بخار بسيطة، والحمد لله رب العالمين.

وتألق بيومي فؤاد بيومي في فيلم أصل الحكاية من بطولة خالد الصاوي، شيري عادل، وبيومي فؤاد، وهالة فاخر، وكريم عفيفي واَخرين، وهو من تأليف وإخراج محمد أمين، وتدور أحداثه في إطار من الإثارة والتشويق، ولم يكشف عن تفاصيل أخرى خاصة بقصة العمل أو موعد عرضه حتى الأن.

بالإضافة إلى فيلم الإسكندراني، وتدور أحداثه في قلب محافظة (الإسكندرية)، حيث يمر (بكر الإسكندراني) بالعديد من الصراعات مع والده وابن عمه وحبيبته؛ فيقرر السفر إلى الخارج بحثًا عن حياة جديدة، وحينما يعود بعد تحقيق ذاته تعود الصراعات فتطارده مجددًا، ويشارك في بطولة الفيلم عدد كبير من النجوم والنجمات، منهم: أحمد العوضي، زينة، حسين فهمي، بيومي فؤاد، صلاح عبد الله، محمود حافظ، وغيرهم، والفيلم من تأليف أسامة أنور عكاشة، وإخراج خالد يوسف.