يمكن حد ينسى أو يتهيأله إن الأمور مش ممسوكة كدا لكن فيه رب

الإثنين 06/يناير/2025 – 08:36 م

قال الرئيس عبد الفتاح السيسي، إنه يتابع كل الأمور وردود الأفعال مؤكدا أن القلق يمكن يكون مبرر لدى الشعب.

السيسي: يمكن حد ينسى أو يتهيأله إن الأمور مش ممسوكة

وأضاف خلال كلمته بكاتدرائية ميلاد المسيح بالعاصمة الإدارية الجديدة: عايز أقعد معاكم على طول لكن مش عايزين نعطل قداسة البابا وكل عام وأنتم طيبين وقداسة البابا بخير وسلام واحنا كلنا بخير وسلام.

وتابع: بتابع كل الأمور وبشوف كل ردود الأفعال والقلق يمكن يكون مبرر، متابعا: يمكن حد ينسى أو يتهيأله إن الأمور مش ممسوكة كدا، مش بإيدينا لكن برب البشر.

وواصل: في حاجات كتير هنا في مصر بتحصل، في ناس كتير مش بتاخد بالها منها، ومش ناسين إن في رب، وربنا يحفظنا كلنا، مردفا: بنأخد بكل الأسباب لحماية بلدنا وأولها محبتنا لبعضنا، وحجم المحبة بين المصريين بيزيد يوم عن يوم.

وأكمل: احنا كدولة وأنا كإنسان مسؤول عنكم لازم تطمنوا إني كنت بتعامل مع الأمور بشرف كبير وأمانة ونزاهة كبيرة.

وأوضح السيسي: لازم تأخدوا بالكم إني بتعامل بشرف وأمانة ونزاهة كبيرة.. لو كان المسئول عنكم إيده متعاصه بدم وفلوس الناس خافوا على بلدكم.. الحمد لله لا دي موجود ده ولا ده، والقلق مبرر ومشروع والظروف الصعبة موجودة من سنوات ولكن احنا هنا في مصر عندنا حاجات كتير يمكن مش واخدين بالنا منها وهي اننا عارفين إن فيه رب.