شيع العشرات قبل قليل، جنازة كل من سما طالبة طب أسنان جامعة القاهرة، وضحية أخرى تدعى منة أيمن خطاب، ضحايا انفجار خط الغاز بمدينة أكتوبر.
وأدى المشيعون صلاة الجنازة على سما طالبة طب أسنان جامعة القاهرة في مسجد الحصري بعد صلاة ظهر اليوم.
تشييع جنازة سما ومنة الله ضحايا انفجار خط الغاز بأكتوبر
وفي وقت سابق، كان قال أحمد سينجر، عم الطالبة سما، في تصريحات لـ القاهرة 24: سما طالبة في آخر عام في طب أسنان القاهرة، كانت راجعة من استعدادات مشروع التخرج وامتحانات كمان كام شهر، هي متفوقة جدًا في دراستها.
وأردف: يوم الحادث سما كانت راكبة مواصلات، وفجأة حصل الانفجار.. نزلت تجري في الشارع وهي محروقة، لحد لما وصلنا لها ونقلناها للمستشفى، حالتها كانت منهارة، والحروق شديدة في وشها ورقبتها وجسمها، وكان لازم تدخل العمليات علشان الحريق أثر على الأعصاب.
وأشار إلى أن الصدمة النفسية التي مرت بها سما كانت شديدة جدا، حيث قال: بنت صغيرة في بداية حياتها اتشوهت، ومش مستوعبة اللي حصل، حالتها النفسية سيئة جدًا وهي دلوقتي في العناية المركزة، البنت كانت في حالة انهيار مش مستوعبة اللي حصل، هي في العناية المركزة دلوقتي وحالتها النفسية سيئة جدًا.
