وجهت النجمة يسرا، رسالة تؤكد من خلالها استمرار زواج الإعلامية بوسي شلبي والنجم الكبير الراحل محمود عبد العزيز، حتى رحيله، على عكس ما نشره أبناء الراحل مؤخرا.
يسرا تؤكد استمرار زواج بوسي شلبي ومحمود عبد العزيز حتى رحيله
وكتبت يسرا، عبر حسابها الشخصي بموقع تبادل الصور والفيديوهات الشهير إنستجرام: “في ناس وجودهم في حياة حد بيكون أكبر بكتير من كلمة “زوجة” أو “شريكة حياة”… بيكونوا الروح اللي بتسنده، والقلب اللي بيدق مكانه لما يتعب.
بوسي… مش بس كانت زوجة لمحمود عبد العزيز، كانت الونس، والسند، والحب اللي مابيخلصش”.
وأضافت: “لحد آخر نفس في عمره، كانت معاه زوجة علي سنة الله ورسوله … مافكرتش في نفسها لحظة، كانت كل همّها هو يكون بخير، حتى وهو بيمشي من الدنيا”.
واستكملت: “اللي عرفها عن قرب، يعرف إنها نفس الطيبة، اللي عمرها ما اتأخرت، ولا تراجعت عن وقفة، ولا بخلت بحنية، هي الحُب اللي مابيطلبش حاجة… والجدعنة اللي بتظهر وقت الجد… والمخلصة بجد، من غير ما تتكلم”.
