كان بيعتبرنا أهله وكل الناس زعلانة عليه| بث مباشر

أعرب جيران المطرب الشعبي الراحل أحمد عدوية، عن حزنهم على وفاته، مؤكدين أنه كان يعامل الجميع بحب ومودة دون تفرقة بينهم.

جيران المطرب الشعبي أحمد عدوية يرون التفاصيل 

وقال أحد جيران المطرب الراحل أحمد عدوية، إن جميع جيرانه في حالة حزن على وفاة الراحل منذ علمهم بالخبر، مؤكدًا أن الراحل كان على علاقة طيبة بجميع الجيران وكان يعتبرهم أبنائه.

وأضاف: أحمد عدوية ده كان ابن بلد وبيعاملنا كلنا زي أخواته وأولاده وكان مصاحبنا وكل الناس بتحبه.. أستاذ أحمد عدوية ميتنسيش وكان بينزل يقعد معانا.. وأي حد كان بيقع في شدة كان بيقف معاه.

ومن جانبه، قال محمد عبده أحد جيران عدوية: الأستاذ أحمد عدوية هو اللي مربيني من وأنا صغير كان في مقام أبويا وبيحبنا كلنا.. ربنا يرحمه ويصبر أهله.. كان سندنا وعاش معانا أكتر من 30 سنة ومحدش هيقدر ينساه.

ومن جانبه قال نجل حارس العقار الخاص بالمطرب أحمد عدوية: كان بيقولي أتعلم وأوعى تسيب المدرسة.. كنت بعتبره جدي.. وكان معتبر الناس كلها أهله.. وفضله على الناس كلها والدنيا كلها بتحبه وزعلانة عشانه.