سمعته بيقول أنا اتغزيت.. ننشر أقوال المتهم الثاني بإنهاء حياة شاب في الطالبية بالاشتراك مع شقيقه

الأربعاء 08/يناير/2025 – 02:07 ص

حصل القاهرة 24 على أقوال المتهم الثاني بقتل شاب بالأشتراك مع شقيقه في حي الطالبية، إثر شجار نشب بينهم، في القضية رقم 20881 لسنة 2024 جنايات قسم الطالبية، والمقيدة برقم 7973 لسنة 2024 كلي جنوب الجيزة.

نص تحقيقات مقتل شاب الطالبية

واستمعت جهات التحقيق لأقوال المتهم الثاني بقتل شاب الطالبية، وجاءت كالآتي:-

س: ما هي بادرة لقاءك بالمجني عليه؟

ج: لما كنت داخل المحل ولقيت م.ع جاي ومعاه صاعق كهربائي في ايده، وراح م.ع كهربني بالصاعق في رجلي، وأنا قولتله انت بتعمل إيه، احنا مش هنلعب ومفيش بينا تهريج، وراح هو قالي أنا مش بهزر، أنا طلبت معايا أكهربك، روحت سبته ودخلت المحل، وراح م.ع دخل ورايا المحل تاني، وراح كهربني تاني في صدري، وأنا فضلت أزعق فيه، وأخويا كان واقف معايا في المحل، وكان بيكنس، ولما شاف اللي حصل راح ضربه بعصاية المقشة على دماغه، راح م.ع شتمه، ومسك راسه، وقال والله لوريكوا انتوا الاتنين، وطلع من المحل بتاعنا، ووقف قدام المحل بس قصدنا، وبعدها مشي.

س: ما طبيعة الحوار الذي دار فيما بينك وبين المجني عليه حينها؟
ج: لما م.ع كهربني بالصاعق في رجلي، وأنا قولتله انت بتعمل إيه يا محمد احنا مش هنلعب ومفيش ما بينا تهريج، وراح هو قالي أنا مش بهزر أنا طلبت معايا أكهربك، روحت سبته ودخلت المحل وراح م.ع، دخل ورايا المحل تاني وراح كهربني تاني في صدري، وأنا فضلت أزعق فيه، وأخويا كان واقف معايا في المحل وکان بیکنس، ولما شاف اللي حصل راح ضربه بعصاية المقشة على دماغه، راح م.ع شتمه، ومسك راسه، وقال والله لوريكوا انتوا الاتنين وطلع من المحل بتاعنا.

س: ما التصرف الذي ابداء المجني عليه عقب ذلك؟

ج: بعد حوالي ثلث ساعة، رجع ثاني م.ع، وقال لأخويا لو ذكر تعالي معايا لآخر الشارع، وأخويا طلع من المحل ودخل معاه لآخر الشارع.

س: ما التصرفات التي بدرت منك قبل المجني عليه آنذاك ؟

ج: أنا فضلت واقف قدام المحل.

س: ما الذي حدث عقب ذلك ؟

ج: لقيت إ.س بيجري ناحيتهم لآخر الشارع، روحت جريت عليهم وكنت ماسك في إيدي عصايا خشب، ولما لقيته ماسك في أخويا روحت ضربته بالعصايا على كتفه مرة واحدة، وبعدها سمعته بيقول أنا اتغزيت، أنا اتغزيت، روحت واخد بعضي، أنا وأخويا ومشينا.

س: ما طبيعة ذلك الاشتباك تحديدًا؟

ج: أنا لقيت م.ع، ماسك في أخويا، روحت ضربته بالعصايا على كتفه مرة واحدة، وبعدها سمعته بيقول أنا اتغزيت، أنا اتغزيت، روحت واخد بعضي أنا وأخويا ومشينا.

س: من كان متواجدا آنذاك ؟

ج: ناس كتير وتحديدًا كان إ.س، وم.ِش، شافوا الخناقة.

س: وهل أبصرت شقيقك المتهم ع.أ حال قيامه بتسديد طعنة للمجني عليه سالف الذكر آنذاك؟

ج: لا، أنا مشوفتش الكلام ده، أنا لما وصلت كانوا ماسكين في بعض، روحت ضربته بالعصايا على كتفه مرة واحدة، وبعدها سمعته بيقول أنا اتغزيت، أنا اتغزيت، ومكنتش أعرف مين اللي ضربه، روحت واخد بعضي أنا وأخويا ومشينا.

س: هل تعدى عليك المجني عليه المتوفي إلى رحمة مولاه بالضرب آنذاك تحديدًا؟

ج: لا.