اليوم.. رامي صبري ومصطفى حجاج يحييان حفل ليلة رأس السنة

الثلاثاء 31/ديسمبر/2024 – 05:59 ص

يستعد الفنان رامي صبري والفنان مصطفى حجاج، لإقامة واحدة من أكبر حفلات رأس السنة في القاهرة، اليوم الثلاثاء الموافق 31 ديسمبر 2024، في أحد الفنادق الكبرى بالقاهرة.

رامي صبري ومصطفى حجاج يحييان حفل ليلة رأس السنة

ومن المقرر أن يقدم كل من رامي صبري ومصطفى حجاج، مجموعة من أشهر أغانيهما التي يحبها الجمهور، لتكون ختامًا مثاليًا لعام 2024 واستقبال العام الجديد 2025 بأجواء مميزة.

رامي صبري: أنا بغني من 18 سنة.. ولا أحب تشبيهي بـ عمرو دياب

وفي سياق مختلف، سبق ورد رامي صبري، على موقفه من تشبيهه بـ الهضبة عمرو دياب، مؤكدًا أن الأخير ينتمي إلى جيل آخر غير جيله، وقال في تصريحات إذاعية: أول ما اشتغلت قعدت فترة أسمع ده بيقلد عمرو دياب ده عاوز مش عارف إيه، وأنا كنت أسمع من بعيد وأضايق من التشبيه هما بيعملوا كده ليه، هو أنا فعلًا بقلده؟ هو أنا شبهه؟ يمكن أنا متأثر بيه وأنا مش عارف، وعمرو دياب جيل تاني مش جيلي يعنى حتى لو في شبه مش أزمة.

وواصل رامي صبري: فضلت طول أول خمس سنوات أخلي بالي أوي لو أنا شبهه في حركة الأيد وأركز في كل التفاصيل، وبقيت كده لحد ما ابتديت واحدة واحدة أحس إن الناس ابتديت تهدى في الموضوع ده لأن الناس مكنتش عارفاني في الأول ومتعرفش أنا بعمل إيه وأنا حقيقي ولا شوية وهمشي.

وأضاف رامي صبري: أنا كنت بحاول أحافظ على شكل الأغنية اللي بقدمها حتى المزيكا أقول بلاش دي شبيهة لعمرو بقيت كده لدرجة إني خلاص داخل على 9 ألبوم ولسه مركز، والحمدلله أنا بغني من 18 سنة.

أعمال رامي صبري

يذكر أن رامي صبري طرح مؤخرا أغنية بين الحيطان، عبر موقع الفيديوهات الشهير يوتيوب، من ألبومه النهايات أخلاق، وهي من كلمات الشاعر الغنائي عمرو المصري، ألحان وتوزيع موسيقى عمرو الخضري.

كلمات أغنية بين الحيطان

وجاءت كلمات أغنية بين الحيطان كما يلي: وبعدين يا سنيني، أنا البعد آذيني، فراقه طلع عيني اتهديت، بشوف بعده مآسي لا نسيت ولا هكون ناسي، موجود في قلبي وراسي، حنيت، بين الحيطان شايفة وسائق زمان، ذكريات في المكان ما بتتنسيش.