الحملات ضد إمام عاشور هدفها تدميره.. والبعض كان يريد رحيلي بالشائعات والأكاذيب

الأربعاء 08/يناير/2025 – 11:07 م

تحدث طاهر محمد طاهر لاعب فريق الكرة الأول بالنادي الأهلي، عن بعض الأمور المتعلقة بمسيرته مع القلعة الحمراء.

تصريحات طاهر محمد طاهر

وقال طاهر محمد طاهر في تصريحات تليفزيونية: يوم ماتش البلدية وإحنا كسبانين خمسة وقتها مكنتش بلعب كتير وحسيت إن دي فرصة كويسة أنزل، فلما حصل عكس كده اتضايقت، بس بعدها اتمرنت في الاستاد وتاني يوم اتمرنت عادي جدًا، وهي الحياة كده، وأي موقف صعب بيعدي عليك لازم تتخطاه.

وأضاف: المنافسة على اللعب أساسيًا في الأهلي صعبة جدًا في ظل وجود كل هؤلاء النجوم، وتعرضت لحملة ظالمة والبعض كان يريد رحيلي عن الأهلي بالشائعات والأكاذيب.. لكني أتدرب بكل قوة يوميًا لأنني ألعب في أفضل ناد في مصر وإفريقيا.

وأردف طاهر: كنت هموت وألعب المباراة النهائية أمام الوداد في 2023 بسبب اللي حصل في مباراة الوداد 2022، والأجواء كانت مختلفة، وكان نفسي يكون ليا دور، وهدف منعم كلنا فرحنا بيه، والحمد لله كسبنا ودخلنا احتفلنا وفرحنا كلنا وكنا مبسوطين من قلبنا، والسولية دايما كان بيشغل أغنية سطلانة في الجيم، ومتفقناش على أي حاجة من اللي حصل، وكله جه تلقائي.

واختتم طاهر محمد طاهر تصريحاته قائلا: الحملات ضد إمام عاشور هدفها الرئيسي تدميره علشان مستواه المميز مع الأهلي، ولو حسيت إن الموضوع محتاج إني أتكلم معاه هعمل كده، وهو لاعب مميز للغاية ومفيد لـ الأهلي.