استدرجها بقطعة حلويات.. والدة تلميذة بعد اعتداء صاحب كانتين مدرسة خاصة بالهرم عليها تكشف تفاصيل الواقعة| خاص

الإثنين 13/يناير/2025 – 07:58 م

كشفت والدة الصغيرة ضحية الاعتداء من قبل صاحب كانتين بعد حفل الكريسماس، الذي نظمته إحدى المدارس الخميس الماضي، أن المتهم  هتك عرض ابنتها.

وقالت والدة الضحية: بنتي كانت بتتوجع من المنطقة الحساسة بقالها أسبوعين، وكنت بغير لها عشان اشوف في ايه وكنت فاكرة إن سبب الألم مجرد التهابات؛ لقيت آثار دم في الملابس الداخلية وجرح، فسألتها إيه اللي حصل قالت لي عمو اللي في كانتين المدرسة إداني حلويات وقعدني علي الأرض، وسألتها من امتي معرفتش تجاوب.

التعدي على صغيرة داخل مدرسة خاصة بالهرم

وأضافت والدة الصغيرة ضحية الاعتداء من قبل صاحب كانتين بعد حفل الكريسماس: قالتلي إن الموضوع اتكرر كذا مرة، فخدناها ورحنا المستشفى وكانت الصدمة إن غشاء البكارة اتفض، ورحت عملت محضر وقالتلي إنه قالها تعالي معايا أجبلك حلويات ودخلها الكانتين واعتدى عليها وأحدث بها إصابات نتيجة اعتدائه عليها، كل ده وبنتي مش فاهمة ايه اللي بيحصل وسببه ايه.

وأضافت: بنتي كانت بترجع وأكلها قليل والأكل اللي بديهولها للمدرسة بترجع بيه زي ما هو، ومعرفتنيش أي حاجة عن الموضوع إلا لما لقيت آثار دم عليها.