كان ومازال ... قصيدة كلمات الشاعر ... كيرلس فوزي

تاريخ الخبر : ١٤ أكتوبر، ٢٠١٨ ١٢:٠٤ ص       منذ شهر


كان ومازال وسيظل
ليه سلطان يربط ويحل
لا يتعب ولا يمل لا يكل
حبيبي ورفيقي كالظل
الله ليه أعظم يد
يبني المهدوم اللي أتهد
يشق بحور لو طريق سد
ينقل جبال لو دراعه أتمد
عظيم لا يفحص ولا يحد
هو أمس واليوم والغد
صادق وأمين في الوعد
صانع عظائم وعجائب لا تعد
لا كان قبله ولا في بعد
حلقه ده حلاوة كالشهد
محب البشر صاحب عهد
أبرع جمال ولا ذيه حد
واحد هو الله رب المجد
رحيم حنين وعطوف
صاحب القلب الرؤوف
مدبر ومغير الظروف
يمحي كل شرور وخوف
حاسس بأنين كل جوف
هو سميع ونظير بيشوف
بيصنع خير ويجول يطوف
يجيب الضايع والضال
يتدخل مهما الصبر طال
يا كل عدو بتنهب وتصارع
للرب السلطان يرد الضايع
أذا كنت قبيح ومخرب
ف إلهي يسوع المسيح رائع
يا كل جبار بتستقوه
الله كلي القدره والأقوه
يا عدوي يا اللي بتخرب
تعبان كلك سم وعقرب
وشرورك مني بتقرب
حبيبي يسوع ألزق م الأخ
هو الأب وهو الأقرب
بتصارعني بعرضك وبطولك
بتفتخر بخزيك وشرورك
أيه هو اللي في مقدورك
صليب الرب كسرك بغرورك
يا كل شيطان بتتحده
طالب الحرب وبتتعده
ربي وربك هو الأقوه
تحت رجل إلهي انت يا صعلوق
بصليبه ودمه انت مسحوق
ده إله ورب كل مخلوق
انا لا أخافك ولا أخشي جيوشك
الله عطاني سلطان بأني أدوسك
موت في حقدك وفي غيظك
مغلوب مهما زاع صيطك
يا عبد وبتصارع سيدك
ده تحت رجليه بيجيبك
وعلي طول الظن بيخيبك
بصليب ربي انا عليك عابر
يسوع المسيح إلهي القادر
خلاك بجنودك تحت الأقدام
حكم عليك بالذل والأعدام
غير وأتقهر يا مغلول
منفوخ وعامل فيها غول
وانت أصلآ ضعيف مهزول
قدام ربي انت مذلول
مالكش وش عينك مقصورة
نفسك مقهورة ومغرورة
بص ع الصليب أعظم صورة
هزيمتك معروفة ومشهورة
عدوي يا اللي عليا قايم
محفوظ في عينه وانا نايم
بشكر ربي اللي بحبه
ولإلهي المجد الدايم
يكرمه شعب قوي 
وتنحني ليه الجباه
سلطانه علي كل الأمم
وتخاف منه قرية عتاة
رب كل الأرض والسماء
سلطانه علي كل الولاء
يبدل الليل بالنهار
يبدل بالحلو كل مرار
يعطي جبر لكل انكسار
ولكل هزيمة يدي انتصار
كرامة ومجد لإلهي الحي
القوي المهيب الجبار
لا ليه شبيه ولا ليه ذي
جعلني انا الضعيف مغوار
مخلصي وإلهي رب العزه
لا يغفل مره ولا ينسي
بيتحنن عليا ولا بيقسي
ده بحبه ليا بيتلزز
وبقوته وشخصه بتعزز
بتسند عليه انا واتعكز
يا كل مسيحي أتشدد
الرب يبدد كل مخاوف
في مبغضيك وأعدائك بيبدد
مافيش داعي أنك تكون خايف
بالقوة والعزه أتجدد
الله يصد السيف الجارف
الملك في طريقك بيمهد
الرب علي يمينك واقف
لتعويضك ولفرحك بيحدد
الرب صالح خليك عارف
للرب الحرب والنصر
يحامي إلي إنقضاء الدهر
وحضنه أوسع م السما
وكاشف أعماق البحر
سحق العدو وأيامه
كسر قوسه وسهامه
لا في شريك في ملكه
ولا حد ياخد مره مكانه
عجيب الرأي عظيم الفهم
بارع في كل أحكامه
حسنا وباره أعماله
وانا موضوع اهتمامه
بيحبني وساكن قلبه وكيانه
بتلذذ بصورته وكلامه
انا الغير مستحق
أن اكون في حضرته قدامه
ملاني بالنعمة والبركة
بتعزيات وافراح وسلامه
وباسم إلهي يسوع ربي
العدو راح يعلن أستسلامه
وإلي نهاية الدهور والزمان
بفخر انا هارفع أعلامه